Éierungen fir eis Coureuren

Éierung vum Kevin Geniets a vum Ben op der Schëfflenger Gemeng

Dëse Mëttwoch den 24. November um 18:30 gëtt de Kevin Geniets an de Ben Gastauer op der Schëfflenger Gemeng empfaangen.

Déi zwee Vëlosprofie kommen allen zwee aus der Vëlosschoul vun der LP07 vu Schëffleng a sinn och haut nach ëmmer am Schëfflenger Veräin lizenzéiert.

De Kevin preparéiert fir de Moment seng nei Saison an de Ben geet bekanntlech den 31.Dezember an d’Pensioun.

De Fan Club Ben Gastauer invitéiert Iech op en Owend zu Éieren vum Ben

Da wëlle mer awer och nach eng Kéier drun erënneren dass de Fan Club vum Ben den nächsten Dënschden en Owend organiséiert fir de Ben ze éieren.

Et ass nach Zäit fir Iech unzemellen, jiddereen ass wëllkomm

Soirée Ben Gastauer

Yvette Gastauer – Claire à la Biennale des Métiers d’Art

Du 20 au 28 novembre 2021

Yvette Gastauer – Claire

participe à la

3è édition de la Biennale des Métiers d’Art
De Mains de Maîtres Luxembourg
à Luxembourg – Ville

Biennale des Métiers d’Art (demainsdemaitres.lu)

www.gastauer.lu

Yvette Gastauer – Claire expose à Bettembourg

À partir d’aujourd’hui et ce jusque lundi,

Yvette Gastauer – Claire

montre quelques sculptures récentes

dans le cadre

l’exposition de photos de Raymond Thill

dans la Galerie Maggy Stein au Château de Bettembourg.

L’exposition ouvrira ses portes cet après-midi à 16:00.

Voici les premières impressions

Expo zu Beetebuerg

D’Yvette Gastauer – Claire ass invitéiert ginn

fir den Weekend vum 22. Oktober bis den 25. Oktober

am Kader vum Raymond Thill senger éischter Fotosausstellung

e puer vu sengen rezenten Skulpturen

am Schlass vu Beetebuerg ze weisen.

Tour mam Ben op d’Musel

Gëschter Moien haten sech, trotz dem schlechte Wieder, eng 40 Cycliste-Frënn vum Ben Gastauer zu Schëffleng Am Haff vum Sandy Concept Store an Optik Sandy getraff fir de Ben op sengem ‘Tour op d’Musel ze begleeden.

No enger klenger Stäerkung sinn se all bei d’Kassen Haus gefuer wou de Portrait vum Ben op der Facade ze gesinn ass.

No enger kuerzer Foto-Session ass et lass gaangen a Richtung Scheierbierg bei den Domaine Claude&Benoît Kox.

Um Scheierbierg konnten de Ben a seng Frënn a Supporter bei enger gudder Assiette an engem klenge Wäinchen aus dem Domaine Claude&Benoît Kox op dem Ben seng laang Karriär zeréck kucken an e puer Anekdoten austauschen.

No der Stäerkung ass et gutt gelaunt zeréck op Schëfleng gaangen

GPX zum Tour mam Ben op d’Musel

Hei ass de Parcours vun dem Tour mam Ben op d’Musel an d’GPS Daten

Garmin

https://connect.garmin.com/modern/course/78370942

Wikiloc

https://fr.wikiloc.com/itineraires-cyclisme/tour-mam-ben-op-dmusel-84432005

RTL : Drëtt Hallschent, de Sport-Talk

Mam Ben Gastauer iwwer den Tour de Luxembourg a seng Karriär

RTL

Dës Woch ass de Ben Gastauer an eisem Podcast « Drëtt Hallschent, de Sport-Talk ».

Den Tour de Luxembourg ass e Samschdeg op een Enn gaangen. An domadder och déi professionell Karriär vum Ben Gastauer. Mat 33 Joer hänkt hie säi Vëlo un de berüümten Nol. Dës Woch ass hien den Invité am RTL-Podcast « Drëtt Hallschent, de Sport-Talk ».

An an deem geet natierlech och rieds iwwer den Tour de Luxemburg. De Ben Gastauer ass frou, datt hie seng leschte Course konnt op Lëtzebuerger Buedem fueren. Dobäi hat hien ëmmer am Kapp, datt et déi leschte Kilometer an enger Course fir hie sinn.

« Ech hunn dat wärend der ganzer Woch am Tour de Luxembourg realiséiert. Et war awer ee flotten Ofschloss. Vun Dag zu Dag ass et awer méi reell ginn. Et war ee flotten Ofschloss an der Stad. Mir hu mat der Famill bësse gefeiert. Et ass mir schonns bewosst, datt et mam Vëlossport elo eriwwer ass an datt een neit Liewen ugeet.« 

De Ben Gastauer ass ënnert anerem mat der Vuelta, dem Giro an natierlech dem Tour de France 13 grouss Tier gefuer. Hie weess, wat et heescht, op schwéierem Terrain ënnerwee ze sinn. A fir den Ofschloss krut hien hei am Tour de Luxembourg nach eng Kéier ee ganz schwéiere Parcours zerwéiert.

« Ech krut keng Kaddoe gemaach. Et war eng schwéier Streck, awer och eng schéin, déi et a sech hat. Den éischten Dag hat ech meng Zweiwel. ob ech et géif packen, fir duerchzekommen. Schlussendlech ass et awer vun Dag zu Dag besser gaangen an d’Ekipp huet mech motivéiert, fir bis de leschten Dag weiderzemaachen.« 

Den Tour de Luxembourg war dëst Joer extrem schwéier. Beim Ben Gastauer an och dem Rescht vum Peloton ass hien awer gutt ukomm.

« No der Course hu mir ënnert de Coureure geschwat, datt déi zwee Bridder eis kee Kaddo maachen. Schlussendlech waren d’Coureuren awer frou mat der Course. Et war ganz gutt organiséiert. Et war och eng spannend Course. Vun dohier war et tipptopp.« 

Am Podcast erzielt de Ben Gastauer ënnert anerem och nach iwwer seng schéinsten Zäit a wat hie sech fir déi nächste Jore virgeholl huet.

Drëtt Hallschent, de Sport-Talk

RTL

E leschten Tour mam Ben op d’Musel

De Fan Club zesumme mam Ben invitéieren

all d’Supporter an d’Frënn vum Ben Gastauer

op seng lëscht Ausfaart no 12 Joer Profikarriär.

Weini: den 26.9.2021

Wou : vu Schëffleng op Réimech / Scheierbierg a retour +/- 68km gréisstendeels op Vëlosweeër

RV ab 9:30 : et ass fir Kaffi a Croissanten gesuergt.

Départ: Um 10 Auer am Haff beim Optik Sandy zu Schëffleng.

Zwëschenstopp: Beim Chalet vum Claude&Benoit Kox am Scheierbierg op der Musel wou och fir de Ravi gesuergt ass

Retour: Nom Ravi fuere mir zesumme mam Ben zeréck op Schëffleng.

Fir déi wou net wëlle mat zeréck op Schëffleng fuere kënne mir eng Navette proposéieren ( bei der Umeldung Bescheed soen wëll d’Plazen si limitéiert )

All Mënsch ass invitéiert matzefueren.

E-Bikes sinn och wëllkomm.

Wann Dir interesséiert sidd un der Ausfaart deelzehuelen, da mellt Iech w.e.g bis den 22.9.2021

beim Romain Gastauer (rgast@pt.lu / 621154197) oder beim Maurice Schwarz (mauriceschwarz96@gmail.com / 661199611) un

revue de presse : rtl radio

%d blogueurs aiment cette page :