Archive pour 25 novembre 2021

Eierung vum Ben Gastauer a Kevin Geniets

Gëschter Owend goufen de Kevin Geniets an de Ben Gastauer vun der Schëfflenger Gemeng geéiert.

Et war eng flott a sympathesch Feier fir déi zwee Sportler, deenen hir Karriär an der Vëlosschoul vun der LP07 ugefaangen huet.

Hei de Communiqué vun der Gemeng Schëffleng :

Felicitatiounen un “eis” Sportler!

D’Gemeng Schëffleng ass besonnesch houfreg op de Kevin Geniets an de Ben Gastauer an dofir goufe si elo offiziell geéiert!

Net méi spéit wéi gëschter – eng Woch no eiser traditioneller Soirée des Lauréats – huet de Buergermeeschter Paul Weimerskirch a Presenz vu Membere vum Schäffen- a Gemengerot op enger gemittlecher Receptioun an der Salle Grand-Duc Jean de Kevin Geniets fir seng national an international Exploiten an der leschter Stroossevëlossaison geéiert.

Gratuléiert a Merci gesot krut awer och de Ben Gastauer fir seng erfollegräich a flott Cycliste-Carrière. No ville Jore geet de Schëfflenger an d’Pensioun. Dofir krut net nëmmen hien e Kaddo, mee och seng Fra a seng Kanner, déi elo hire Familljepapp endlech nees ganz fir sech hunn.

Och am Numm vun der Kultur-, Sport- a Fräizäitkommissioun deenen zwee exzeptionellen Athleten e grousse Merci gesot a bonne Chance op hirem weidere Wee gewënscht.

Hei e puer Impressioune vum Owend: https://schifflange.lu

photos : Gemeng Schëffleng

%d blogueurs aiment cette page :